Айаал Лазарев Казахстаҥҥа Азия тустууга олимпийскай квалификационнай турнирыгар боруонса мэтээли ылла. Бу туһунан «Спорт Якутии» иһитиннэрэр.
«Саха бөҕөһө турниры финал түөрт гыммыт биириттэн саҕалаан, Монголия тустуугар 2:8 ахсааннаах хоттордо. Онуоха утарсааччыта финал аҥарыгар киирэн Японияттан сылдьар Тетсуя Танаканы кыайан финалга таҕыста уонна Токио олимпиадатыгар кыттар путевканы сүүйдэ. Маннык ахсаан Айаал Лазаревка боруонса мэтээли иһин киирсэргэ кыах биэрдэ», — диэн этиллэр.
Уоскутуулаах хапсыһыыга Саха бөҕөһө утарсааччытыгар 0:6 ахсаанынан хотторон иһэн, очконан ситэн, хапсыһыы бүтүүтүгэр тушенан кыайан кэбистэ.
Боруонса мэтээл иһин киирсиигэ Япония спортсмена полуфиналга эчэйии ылан көбүөргэ кыайан тахсыбата. Түмүккэ Айаал Лазарев лицензионнай турнирга үһүс миэстэни ылла.
Кыргызстан сүүмэрдэммит хамаандатыт аатыттан киирсэр саха легионера ыам ыйын 5-9 күннэригэр Болгарияҕа ыытыллар аан дойду квалификационнай турнирыгар Токио олимпиадатыгар кыттар путевка иһин кыттар бүтэһик кыах бэриллэр.
