Айсен Николаев быһа эпииргэ сүрүн этиилэрэ — НВК Саха

Бүгүҥҥү күҥҥэ Аҕа дойду Улуу сэриитин тоҕус кыттыылааҕар 2 мөл солк төлөбүр оҥоһулунна . Блокадаҕа, концлагерьга түбэспиттэргэ, тыыл бэтэрээннэригэр уонна сэрии оҕолоругар төлөбүрү оҥорон саҕалаатылар. Бу барыта өрөспүүбүлүкэ үрдүнэн олунньу 20 күнүгэр диэри былаанынан (проактивнай эрэһииминэн) оҥоһуллан түмүктэниэҕэ.
Ил Дархан анал байыаннай дьайыы кыттыылаахтарыгар уонна кинилэр дьиэ кэргэттэригэр оҥоһуллар социальнай көмө уонна реабилитация боппуруостарын хонтуруоллуур.
Улуу Кыайыы үбүлүөйдээх сылыгар ыытыллар тэрээһиннэр былааныгар Аҕа дойду Улуу сэриитигэр кыттыбыт Саха сирин буойуттарыгар анаммыт пааматынньыктары арыйыы киирсэ сылдьар. Пааматынньыктары Смоленскай, Псковскай, Калужскай уобаластарыгар «Бастионы памяти» бырайыак чэрчитинэн туруоруохтара.
2024 сыл түмүгүнэн ОДьКХ тахсар саахаллар 30%-нан намтаатылар, энергетикаҕа — 14%-нан. Бу исписэлиистэр уурбут сыраларын көрдөрөр.
Бүтэһик сылларга 77 саҥа хочуолунай үлэҕэ киирдэ. 2028 сылга диэри 60-тан тахса саҥа хочуолунай тутуллара былааннанар.
Былырыын «Амма» өрөспүүбүлүкэтээҕи суол-иис 7 км. асфальтынан бүрүйбүттэр, быйыл 10 км. бүрүллэрэ былааннанар. Үлэ салҕанар.