Алтынньы 21 күнүгэр Саха сирин Ил Дархана Айсен Николаев Донецкай Норуодунай Өрөспүүбүлүкэ бырабыыталыстыбатын бэрэссэдээтэлэ Евгений Солнцевтыын өрөспүүбүлүкэ шефтэһэр куоратыгар Докучаевскайы чөлүгэр түһэрии үлэтин хаамыытын көрдүлэр.
Үлэлэр көхтөөхтүк бара туралаллар. Бу сыл бүтүөр диэри 65 эбийиэк үлэҕэ киирэрэ былааннанар. Саха сирин хамаандатын уонна тутааччылар салгыбат кыһамньылаах үлэлэринэн барыта былаан быһыытынан баран иһэр. Айсен Сергеевич улахан махталын тиэрдэр!
«Евгений Александровичы кытта 2025 сыллааҕы үлэлэр былааннарын тула мунньахтаатыбыт. Уопсай үлэбитинэн дьон-сэргэ олоҕун-дьаһаҕын сайыннарыахпыт уонна тупсарыахпыт диэн эрэнэбин!», – диэн Ил Дархан эттэ.
