Ил Дархан Айсен Николаев РФ Бырабыыталыстыбатын бэрэссэдээтэлин солбуйааччы — Уһук Илиҥҥэ РФ бэрэсидьиэнин боломуочуйалаах бэрэстэбиитэлэ Юрий Трутневы кытта Өлүөнэ муостатын тутар былаһааккаҕа сырыттылар.
Бу туһунан өрөспүүбүлүкэ баһылыга бэйэтин телеграм-ханаалыгар иһитиннэрдэ.
Бырайыак дойду бэрэсидьиэнэ Владимир Путин бигэргэппит Дьокуускай куорат маастар-былааныгар киирсэр.
«Бырайыак күүстээх экономическай баазалаах. Тутуу былаанынан бара турар. Тутуу үлэтэ биһиги климаппытын учуоттаан туран оҥоһуллар, онон үлэ ситимин быспакка бара турар», — диэн Айсен Николаев суруйар.
Билигин эбийиэккэ 300 тахса исписэлиис уонна 90 тахса тиэхиньикэ үлэлиир.
Ый бүтүүтүгэр хаҥас биэрэккэ муоста бастакы тирэҕэ баар буолуоҕа, оттон сыл бүтүүтэ — уҥа биэрэгэр.
Хаартыска: Айсен Николаев ТГ-ханаала
