Саха сирин Ил Дархана тыа сиригэр үлэлии сылдьан анал байыаннай дьайыы кыттыылаахтарын дьиэ кэргэттэригэр ыалдьыттыыр үтүө үгэстээх. Муома улууһун Хонуу сэлиэнньэтигэр Айсен Николаев Ийэ дойдуну көмүскээччи Андрея Сидоренко дьиэ кэргэнигэр сырытта.
Аҕалара 2023 сылга баҕа өттүнэн дойду интэриэһин көмүскүү барбыт. Андрей билигин эр санаалаах уонна дойдуга бэриниилээх буолуу үтүө холобурун көрдөрөн, чиэстээхтик сулууспалыы сылдьар. Маны кини «За боевые отличия» мэтээли уонна Жуков мэтээлин ылбыта туоһулуур.
Дьиэтигэр Андрейы тапталлаах кэргэнэ уонна уолаттара кэтэһэ күүтэллэр. Кэргэнэ Любовь төһө даҕаны күүскэ долгуйбутун иһин Андрей быһаарыныытын өйөөбүт. Байыас төһө кыалларынан дьонун кытта сибээскэ тахсан сонуннарын кэпсиир. Любовь бэлиэтээбитинэн, дьиэ кэргэҥҥэ улуус уонна өрөспүүбүлүкэ олох-дьаһах боппуруосарыгар көмөлөһөллөр, гуманитарнай көмөнү оҥороллор. Соторутааҕыта Андрей сайаапкатынан, кинилэр подразделениеларыгар УАЗ патриот массыынаны ыыппыттар.
«Биһиги байыастарбыт дьиэ кэргэттэрин салгыы өйүөхпүт. Андрей Кыайыы көтөллөөх дьиэтигэр түргэнник төннөрүн баҕарабын!», — диэн Ил Дархан эттэ.
