Ил Дархан Айсен Николаев «Муравьев-Амурский 2030» каадырдары бэлэмниир бырагыраама үһүс потогун кыттааччыларын кытта көрүстэ. Кини настаабынньык быһыытынан кыттааччылары кытары кэпсэтэн, бырайыактарын туһунан билистэ.
«»Муравьев-Амурский 2030″ бырагыраама дойду бэрэсидьиэнэ Владимир Путин көҕүлээһининэн үлэлиир. Бырайыак Россия тирэхтээхтик сайдарыгар сатабыллаах судаарыстыбаннай үлэһиттэри бэлэмниир сыаллаах. Үһүс поток хамаандатын тиэмэтэ — «Продвижение регионов на основе лучших мировых практик». Үөрэнээччилэр бэйэлэрин санааларын, былааннарын кэпсээтилэр. IT-эйгэтиттэн саҕалаан бырамыысыланнаска, туризмҥа диэри араас интэриэһинэй санаалары иһиттим. Кыттааччылар бырайыактара олоххо киирэригэр, үөрэхтэрин этэҥҥэ түмүктүүллэригэр баҕарабын» — диэн Айсен Николаев эттэ.
