Ил Дархан Айсен Николаев ойуур баһаардарын умуруорууга федеральнай бүддьүөттэн субвенция көрүллэр ньыматын уопсай кээмэйин хаттаан көрөргө этии киллэрдэ.
«Россия генеральнай борокуруорун солбуйааччыта Дмитрий Демешин, көтөҕүллүбүт боппуруостары барытын дойду бырабыыталыстыбата уонна туһааннаах структуралара көрүөхтэрэ диэн бэлиэтээтэ», — диэн Ил Дархан бэйэтин Instagram-ыгар тоһоҕолоон суруйда.
Маны таһынан, Айсен Николаев уонна Дмитрий Демешин Хаҥалас улууһугар турбут баһаары көрдүлэр.
Салайааччылар авиамониториннарын кэмигэр, Тиит Арыы сэлиэнньэтиттэн 8,8 килэмиэтирдээх сиргэ турбут 23-с №-дээх уонна «Өлүөнэ очуостара» айылҕа пааркатынааҕы 5П №-дээх ойуур баһаардарын үөрэттилэр.
Билиҥҥи туругунан, оройуоҥҥа уопсайа 15 164 га иэннээх сиргэ 15 ойуур баһаарын умуруоруу үлэтэ ыытыллар, ол иһигэр «Өлүөнэ очуостара» айылҕа пааркатыгар — 14 024 га иэннээх сиргэ биэс.
