Ил Дархан Айсен Николаев Нерюнгригэ ыытыллыахтаах Олоҥхо ыһыаҕар бэлэмнэнии үлэтэ хайдах баран иһэрин бэрэбиэркэлиир, ырытар, быһаарсар сүбэ мунньаҕы ыытта.
Өрөспүүбүлүкэ таһымнаах саха төрүт бырааһынньыга Нерюнгри оройуонугар бастакытын ыытыллар уонна Саха сирин соҕуруу киинин 50 сыллаах үбүлүөйүн биир сүрүн тэрээһинэ буолуоҕа.
Ил Дархан бэлэмнэнии үлэтэ үрдүк таһымнаахтык бара турарын бэлиэтээтэ уонна эбийиэктэр тутууларыгар, кыттааччыларга маршруттары оҥорорго, куттал суох буолуутун хааччыйыыга кэккэ сорудахтары биэрдэ.
«Олоҥхо Ыһыаҕын тэрийэргэ улахан үлэ ыытылла турар. Көхтөөхтүк кыттар дьоҥҥо махталбын тиэрдэбин, – тэрийэр кэмитиэт уонна оройуон. Билигин үчүгэй көрдөрүүлэр баалларын бэлиэтии көрөбүн, ол эрээри үлэни барытын тиһэҕэр тиэрдэн түмүктүөххэ наада», — диэн Айсен Николаев эттэ.
Быйыл Олоҥхо Ыһыаҕа Нерюнгри оройуонугар от ыйын 4-5 күннэригэр ыытыллыаҕа.
