Саха сирин Ил Дархана Айсен Николаев Россия бэрэсидьиэнэ Владимир Путинныын өрөспүүбүлүкэҕэ федеральнай суолталаах улахан инфраструктурнай бырайыактар олоххо киириилэрин туһунан сырдатта. Ол иһигэр Тиихэй океан тимир суола «Синергия Арктики» бырайыак уонна Өлүөнэ муостатын тутуута.
Айсен Николаев «Эльга» хампаанньа туппут Тиихэй океан тимир суолунан сылга 30 мөл туонна чох таһыллар. Эльгинскайдааҕы таас чох хостуур сир күн бүгүн аан дойду үрдүнэн биир бастыҥ бырайыак буолар.
Ааспыт сыл сэтинньитигэр саҕаламмыт «Синергия Арктики» бырайыак олоххо киириитин туһунан бэрэсидьиэҥҥэ кэпсээтэ. Бырайыак иитинэн 61 Арктика нэһилиэнньэлээх пуунугар ВОЛС ситимэ тардыллар. Үбүлээһинэ: 5,5 млрд солк-нан федеральнай уонна региональнай бүддьүөттэн.
Өлүөнэ муостатын тутуута көхтөөхтүк баран иһэрин бэрэсидьиэҥҥэ эттэ. Билиҥҥи кэмҥэ аҕыс тирэҕи, 990 сыбаайаттан 208 туруордулар. Өрүс сүнньүгэр коффедрамнары бэлэмнээһин салҕанар.
Владимир Путин бэлиэтээбитинэн, бырайыак тутуута 170 млрд солк куоһарар.
Айсен Николаев этэринэн, бүгүҥҥү күҥҥэ бырайыак олоххо киириитигэр 26 млрд солк тыырыллыбыт, ол иһигэр федеральнай, өрөспүүбүлүкэ уонна инвестордар үптэрэ. Тутуу болдьох быһыытынан бара турар.
