Саха сирин Ил Дархана Айсен Николаев кулун тутар 7 күнүгэр Нерюнгри куоратыгар үлэ сырыытынан Соҕуруулуу-Саха сирин технологическай колледж үлэтин көрдө.
2023 сыл балаҕан ыйын 1 күнүгэр Соҕуруулуу-Саха сирин технологическай колледж баазатыгар Үөрэтэр-оҥорон таһаарар киин (кластер) арыллыбыта.
РФ бэрэсидьиэнэ Владимир Путин көҕүлээбит «Профессионалитет» федеральнай бырайыак чэрчитинэн кластерга үөрэх ыыталлар.
Айсен Николаев колледж устудьуоннарын уонна уһуйааччыларын кытта көрсүһүүгэ Саха сирин экономикатын ирдэбиллээх уонна хаачыстыбалаах исписэлиистэринэн хааччыйарга улахан болҕомто уурулларын бэлиэтээтэ.
Ону тэҥэ Ил Дархан РФ бэрэсидьиэнэ Владимир Путин Федеральнай Мунньахха Туһаайыытыгар 2028 сылга диэри оробуочай идэлэргэ мөлүйүөн кэриҥэ исписэлииһи бэлэмнииргэ соруйбутун бэлиэтээтэ.
«Дойдубут бэрэсидьиэнэ Владимир Путин экономика, бырамыысаланнас араас салааларыгар каадырдары бэлэмниир «Профессионалитет» федерального бырайыакка улахан болҕомтотун уурбута.. Маннык үлэни орто үөрэхтэргэ тарҕатарга соруйда», — диэн Айсен Николаев бэлиэтээтэ.
