Ил Дархан Айсен Николаев сыл устата нэһилиэнньэ сомоҕолоһуута ситиһилиннэ диэн «Быһа линияҕа» иһитиннэрдэ.
«2019 сылга биллэриллибит Сомоҕолоһуу сыла нэһилиэнньэни социальнай туругуттан, омугуттан, бэлиитикэҕэ сыһыаныттан тутулуга суох кытыннаран, уопсастыбаннай көҕүлээһиннэр нөҥүө быһаарыы ылынарга көдьүүстээх буолла», — диэн Айсен Николаев бэлиэтээн эттэ.
Саха сирин дьоно судаарыстыба араас хабааннаах кыһалҕаны быһаарарын эрэ күүппэккэ, бэйэлэрэ эмиэ олус көхтөөхтөрүн Ил Дархан бэлиэтээтэ. Ил Дархан этэринэн, Сомоҕолоһуу сылыгар турбут сыал-сорук туолбут.
«Биһиги түмүстүбүт, биир өрөспүүбүлүкэ буоларбытын өйдүүбүт, бэйэбит күүспүтүнэн үчүгэй эрэ өттүгэр уларыйыылары киллэриэхтээхпит», — диэтэ Айсен Николаев.
Санатар буоллахха, бүгүн, балаҕан ыйын 26 күнүгэр, Ил Дархан Айсен Николаев «Быһа линияҕа» тахсар.
Быһа эфири НВК «Саха» , «Якутия 24 ханааллар сайтарыгар уонна Яндекс.Эфир көрүөххэ сөп. Маны таһынан Instagram: @yk24.ru, @nvksakha, VK.com, «Одноклассники», Twitter, Facebook социальнай ситимнэргэ эмиэ көрүҥ.
Т
