Саха сирин Ил Дархан Айсен Николаев биллиилээх спортсмен, боксаҕа Европа икки төгүллээх чемпиона, аан дойду чемпионатын үрүҥ көмүс мэтээлин хаһаайына, Россия чемпионатын биэс төгүллээх кыайыылааҕа Василий Егоровы кытта оробуочай көрсүһүүнү ыытта. Көрсүһүү кэмигэр спорт сайдыытын уонна кэккэ бырайыактар кэскиллэрин туһунан кэпсэттилэр.
Мунньахха спорка уонна уопсастыбаннай көҕүлээһиннэргэ бииргэ үлэлэһии туһунан кэпсэттилэр. Ол курдук, төрөөбүт тылы сайыннарар, тарҕатар сыаллаах бырайыактары уонна Саха сирин боксатын сайдыытын, өйөбүлүн көрдүлэр.
Айсен Николаев этиллибит көҕүлээһиннэри өйөөн, салгыы олоххо киирэллэригэр көмөлөһөргө бэлэмин биллэрдэ. Көрсүһүү түмүгүнэн, өрүттэр быһаарыллыбыт хайысхаларга бииргэ үлэлииргэ сөбүлэстилэр.
