Бүгүн, атырдьах ыйын 3 күнүгэр, «Якутия, вперед!» биэриигэ Айсен Николаев кыттыаҕа. Ил Дархан бырагыраама кэмигэр от ыйын түмүктэрин таһаарыаҕа.
Болҕомто киинигэр — Россия бэрэсидьиэнэ Владимир Путины уонна Россия бырабыыталыстыбатын бэрэссэдээтэлэ Михаил Мишустин үлэлиир сырыыларын түмүктэрэ, Өлүөнэ муостатын тутууну киллэрэн туран, бөдөҥ инфраструктура бырайыактарын олоххо киллэрии, ону тэҥэ доруобуйа харыстабылын, айар экэниэмикэни уонна сыыппара технологияларын сайыннарыы.
Ураты болҕомто билиҥҥи ойуур баһаарын балаһыанньатыгар, Үөһээ Дьааҥы улууһугар халаан содулун туоратыыга, эмсэҕэлээбит олохтоохторго көмөнү оҥорууга уонна инфраструктураны чөлүгэр түһэриигэ ууруллуоҕа. Ону тэҥэ өрөспүүбүлүкэ баһылыга уматыгынан хааччыйыыны бигэргэтэр миэрэлэр, оттооһун хампаанньатын кэмигэр тыа хаһаайыстыбатын оҥорон таһаарааччыларын өйүүр дьаһаллар тустарынан кэпсиэҕэ.
Биэрии олохтоох бириэмэнэн 21:00 чаастан НВК «Саха» ханаалга саҕаланыаҕа, 20:30 чаастан — «Якутия 24» ханаалга уонна «Тэтим» араадьыйаҕа.
