Саха сиригэр #МЫВМЕСТЕ бүтүн Россиятааҕы аахсыйа волонтердара СВО кыттыылаахтарын дьиэ кэргэттэригэр көмө оҥорорго сыл саҕаланыытыттан 5,5 тыһыынча сайаапканы оҥордулар.
Бу туһунан брифиҥҥэ «#МЫВМЕСТЕ» бүтүн Россиятааҕы аахсыйа Саха сиринээҕи штабын салайааччыта Айыллаан Винокуров иһитиннэрдэ.
«Биһиги анал байыаннай дьайыы кыттааччыларын дьиэ кэргэттэригэр көмөнү ситимин быспакка эрэ салҕыыбыт. Кинилэр дьиэҕэ-уокка, гуманитарнай, психологическэй, юридическэй көмөҕө наадыйаллар», – диэн кини эттэ.
Кини бэлиэтииринэн, өрөспүүбүлүкэ туох баар нэһилиэктэригэр волонтердар СВО кыттыылаахтарыгар гуманитарнай көмөнү хомуйаллара салҕанар.
«Ол курдук, «Якутия с тобой!» уопсастыбаннай хамсааһын «СВОих не бросаем!» диэн аахсыйаны ыытар. Аахсыйа чэрчитинэн, байыастарга таҥас-сап тигэргэ матырыйааллары туталлар. Актыбыыстар хахха сиэккэлэри өрөллөр, блиндажнай чүмэчилэри оҥороллор», – диэтэ Айыллаан Винокуров.
Саха сирин волонтердара «Горячая линия» регионнааҕы төлөпүөнунэн СВО кыттыылаахтарын дьиэ кэргэттэриттэн сайаапкалары туталлар. Билсэр төлөпүөн: 122 (эбии 6 кнопканы баттыыгыт). Үлэлиир бириэмэлэрэ: сарсыарда 10.00 чаастан киэһэ 18.00 чааска диэри.
Байыастарга гуманитарнай көмөнү хомуйар пуун аадырыһа: Орджоникидзе уулусса, 10. Пуун сарсыарда 9.00 чаастан киэһэ 19.00 чааска диэри үлэлиир.
