Режиссер Дмитрий Кольцов саха киинэтигэр «Алдан» патриотическай драманы сүрэхтиир. Хартыына өрөспүүбүлүкэ киинэлэриттэн уратыта диэн XR-технологиянын уһуллубут.
XR-технологияны диэн ньыма, Голливуд бырайыактарыттан биллэр, холобур, «Мандалорец» киинэҕэ устубут хартыыналарын виртуальнай декорациялары кытта ситимнээбиттэрэ.
«Алдан киинэни уһуларбытыгар туһаммыт графикабыт фантастическай киинэҕэ курдук биллиэ, көстүө суохтаах этэ. Биһиги эдэр исписэлиистэрбит түүннэри-күнүстэри утуйбакка ыйыллыбыт соругу толордулар», — диэн Кольцов бэлиэтээтэ.
Өссө биир саҥа сүүрээнинэн улахан XR экран буолла. Экраны саха алаастарын сыаналарыгар туһаммыттар. Саха киинэтигэр саҥаны киллэриигэ уонна дойду киинэтин сайыннарыыга уопуттаах режиссер эппиэтинэстээх дьыалаҕа ылсыбыт. «Тайны Чингисхана» уонна «Рядовой Чээрин» киинэлэр визуальнай эффектарын оҥорбут Петр Гуляев саҥа бырайыакка үлэлэспит.
Ол курдук, «Алдан» киинэ Саха сиригэр анал байыаннай дьайыы туһунан бастакы хартыына буоларын таһынан саҥа сүүрээни киллэрэр. Голливуд киинэлэригэр туһаныллар технология аны Саха сирин историятын көрдөрөр буолуоҕа.
Санатар буоллахха, «Алдан» киинэ ыам ыйын 1 күнүгэр сүрэхтэнэр. Хартыынаҕа ИТ-урбаанньыт кыыһа өлбүтүн кэнниттэн СВО-ҕа баҕа өттүнэн сулууспалыы барарга быһаарынар. Киинэҕэ биллиилээх актердар оонньууллар — Иван Охлобыстин («Интерны», «Холоп»), Дмитрий Дюжев («Бригада», «Гудбай»), Илья Яковлев («Наша зима», «Иччи») уо.д.а.
