Ил Түмэн судаарыстыбаннай мунньаҕын бэрэссэдээтэлэ Алексей Еремеев дойду уонна регион билиҥҥи балаһыанньатын сыаналааһыҥҥа, Россия бырабыыталыстыбатын бэрэссэдээтэлин Михаил Мишустины кытта сөпсөһөрүн туһунан бэлиэтээтэ.
РФ премьер-миниистирэ Михаил Мишустин судаарыстыбаннай Дуумаҕа 2023 сыллааҕы бырабыыталыстыба отчуотун иһитиннэрдэ. Өрөспүүбүлүкэтээҕи парламент спикерэ видео-конференция нөҥүө кытынна.
«Михаил Владимирович арҕаа санкция услуобуйатыгар, Россия бырабыыталыстыбатын үлэтин туһунан дакылаатыгар сиһилии кэпсээтэ. Ону таһынан, дойду экономикатын билиҥҥи кэмҥэ хайдах түргэнник үлэлэтэр туһунан эттэ. Социальнай эйгэҕэ уонна экономикаҕа үлэлиир дьону өйүүргэ анаан чопчу систиэмэ олохтонно. Промышленнай оҥорон таһаарыы итиэннэ массыынаны оҥоруу 21% үрдээбитэ бэлиэтэнэр», — диэн Алексей Еремеев иһитиннэрдэ.
РФ бырабыыталыстыбатын бэрэссэдээтэлэ Михаил Мишустин бэлиэтээбитинэн, 2023 сыл иһигэр Уһук Илин социальнай эйгэтигэр уонна экономикатыгар үс триллионтан тахса көрүллүбүт.
