Аллараа Халыма олорор дьиэ-уот хомунаалынай хаһаайыстыбатын салаатыгар бу кыстыкка 15 тыһыынчаттан тахса туонна чох уонна 3 аҥаар тыһыынчаттан тахса туонна ньиэп наада.
Тэрилтэ балансатыгар — 6 хочуолунай турар. 3 оройуон киинин — Черскэй бөһүөлэгин сылыталлар, уонна биирдии Походскай, Халыма уонна Андрюшкино сэлиэнньэлэргэ үлэлииллэр. Ыраах Андрюшкино сэлиэнньэҕэ хочуолунай ньиэбинэн үлэлиир.
Кылгас хотугу навигация көҥүллүүр кэмигэр саппаас тэтимнээхтик аҕалыллар. Черскэй өрүс порда Халыма болох оройуоннарын таас чоҕунан хааччыйар туһуттан кытаанах болдьоҕунан үлэлии турар. Аллараа Халыма оройуонугар ититэр сезон өрөспүүбүлүкэҕэ биир бастакынан — өссө атырдьах ыйын 18 күнүгэр саҕаламмыта.
