Бүгүн, тохсунньу 15 күнүгэр, тырааныспар уопсай суолун тупсарыы боппуруостарын көрүү мунньаҕа буолла. Манна ааспыт сыл түмүктэрин иһитиннэрдилэр, итиэннэ саҥа сылга былааны торумнаатылар.
Ил Дархан Айсен Николаев суол үлэһиттэригэр түмүктээх, таһаарыылаах үлэлэрин иһин махтанна. 2019 сыллаахха Саха сиригэр 2665 килэмиэтир уһуннаах айан суолун, ол иһигэр РФ бэрэсидьиэнэ Владимир Путин көҕүлээбит «Куттала суох уонна хаачыстыбалаах суоллар» национальнай бырайыагын иитинэн 1400 км уһуннаах суолу саҥардыбыттар. Маны таһынан национальнай бырайыак иитинэн 55 муостаны үлэҕэ киллэрбиттэр.
«Өрөспүүбүлүкэҕэ айан суолун тутуу уонна саҥардыы үлэтэ тэтимнээхтик ыытыллар. Ол үрдүнэн манан муҥурданар сатаммат, өссө федеральнай, өрөспүүбүлүкэ таһымнаах, итиэннэ олохтоох бэйэни салайыныы суолларын оҥорууга көрүллэр боппуруос элбэх. Саҥа национальнай бырайыак иитинэн оҥоһуллуохтаах үлэ кээмэйэ улахан», — диэн Ил Дархан Айсен Николаев бэлиэтээбит.
