Нам улууһугар уонна Ньурба оройуонугар алта улахан тыа баһаара локализацияланна. Бу туһунан РФ ыксаллаах быһыы-майгы министиэристибэтин Саха сиринээҕи салаатын пресс-сулууспата иһитиннэрэр.
«Уопсайа 173,7 га иэннээх сиргэ суукка иһигэр аҕыс баһаар эбилиннэ, ол иһигэр Ньурбаҕа уонна Намҥа уопсайа 216 га иэннээх сиргэ алта тыа баһаарын умуруордулар. Баһаартан ордук сэрэхтээх эрэһиим Өймөкөөҥҥө, Тааттаҕа, Томпоҕо уонна Ньурбаҕа олоҕурда», — диэтэ РФ ыксаллаах быһыы-майгы министиэристибэтин Саха сиринээҕи салаатын салайааччыта Павел Гарин.
Авиалесоохрана суһал иһитиннэриитинэн, Үөһээ Бүлүүгэ, Горнайга, Намҥа, Мэҥэ Хаҥаласка, Ньурбаҕа, Сунтаарга, Тааттаҕа, Уус Майаҕа, Хаҥаласка уонна Дьокуускай таһыгар 22 тыа баһаара бара турар.
Баһаарга былдьаммыт сир иэнэ 378,2 гааҕа тэҥнэһэр.
Нэһилиэнньэлээх пууннарга буруону кэтээн көрүү ыытыллар.
