Күнү-дьылы кэтээн көрөөччүлэр алтынньы 23-24 күнүгэр өрөспүүбүүкэ үгүс өттүгэр сылаас, хаардаах буолуоҕа диэн сылыктыыллар. Бу туһунан Саха сиринээҕи УГМС иһитиннэрэр.
Арҕаа-хоту диэки, Өлүөнэ алын тардыытыгар, Үөһээ Дьааҥыга уонна Томпоҕо сымнаһыар хаар түһэрэ күүтүллэр. Өрөспүүбүлүкэ киин, соҕуруу улуустарыгар инчэҕэй хаар түһүөҕэ.
«Арҕаа диэки инчэҕэй хаар, ардах, тоҥоруу. Алтынньы 24 күнүгэр арҕаа диэки тыал сөкүүндэҕэ 15 миэтэрэ түргэннээх буолуоҕа», — диэн иһитиннэриигэ этиллэр.
Салгын температурата түүн арҕаа, соҕуруу -3,+2°C, халлаан дьайҕарыытыгар -3-8°C. Киин улуустарга, хотугу-арҕаа -2-7°C, сорох сиринэн -8-13°C, күнүс -3,+2°C, соҕуруу диэки 0,+5°C.
Алтынньы 23 күнүгэр арҕаа диэки +3+8°C, Халыма-Индигиир улуустарыгар, биэрэк кытылыгар сорох сиринэн хаардыаҕа, салгын температурата түүн -17-22°C, сорох сиринэн -27-32°C, күнүс -10-15°C, хоту диэки -17-22°C.
