Күнү-дьылы кэтээн көрөөччүлэр алтынньы 28-29 күнүгэр өрөспүүбүүкэ үгүс өттүгэр кыратык хаардыаҕа диэн сылыктыыллар. Бу туһунан Саха сиринээҕи УГМС иһитиннэрэр.
«Өлүөнэ алын тардыытыгар, хотугу-илин диэки алтынньы 28 күнүгэр сымнаһыар хаар түһүөҕэ, оттон соҕуруулуу-арҕаа, соҕуруу диэки инчэҕэй хаар түһэрэ күүтүллэр», — диэн иһитиннэриигэ этиллэр.
Алтынньы 28 күнүгэр арҕаа диэки сорох сиринэн сөкүүндэҕэ 15-17 миэтэрэ түргэннээх тыалырыа.
Салгын температурата түүн -3-8°C, халлаан дьайҕарыытыгар -10-15°C. Алтынньы 28 күнүгэр соҕуруулуу-арҕаа, соҕуруу диэки -3,+2°C. Алтынньы 29 күнүгэр хотугу-арҕаа уонна хотугу-илин диэки -21-26°C.
Арктика оройуоннарыгар сорох сиринэн -30°C. Күнүс -3-8°C, хоту диэки -10-15°C, биэрэк кытылыгар -18-23°C, алтынньы 28 күнүгэр арҕаа, соҕуруу, киин улуустарга -3,+2°C.
