Күнү-дьылы кэтээн көрөр киин алтынньы ый бүтүүтэ 10-15˚С-нан нуорматтан таһынан сылыйарын сабаҕалыыр. Бу туһунан ТАСС иһитиннэрэр.
Иһитиннэриини ааҕыныстыбаҕа РФ Күнү-дьылы кэтээн көрөр киин научнай салайааччыта Роман Вильфанд тиэртэ.
«Кэлэр нэдиэлэҕэ Россия үрдүнэн нуорманы таһынан көрдөрүү буолара сабаҕаланар. Соҕурууттан сылаас салгын маассата Европа сиригэр кэлиэҕэ, Азияҕа — Тиихэй Акыйаантан», — диэтэ кини.
Вильфанд бэлиэтииринэн, дойду азиятааҕы чааһын регионнарыгар салгын температурата 10-15 кыраадыһынан нуорматтан таһынан буолара күүтүллэр. Ордук Саха сиригэр уонна Чукуоткаҕа.
«Күнүс температура нуул, оттон түүн 10-15 кыраадыс тымныы буолуоҕа», — диэн Россия Күнү-дьылы кэтээн көрө киинин үлэһитэ чопчулаан эттэ.
