Амматааҕы Ф.Потапов аатынан норуот айымньытын дьиэтигэр Анфиса Федерова Амма улууһун технология учууталларыгар анал байыаннай дьайыы кыттыылаахтарыгар сылаас таҥастары тигиигэ маастар-кылаас тэрийэн ыытта.
Тэрээһиҥҥэ Анфиса байыастарга анаан хайдах табыгастаах уонна сылаас таҥаһы тигиигэ бэйэтин дьоҕурун, билиитин олус тиийимтиэтик быһаарда. Педагогтар маастар-кылааска олус көхтөөхтүк кытыннылар, боппуруостары ыйыттылар уонна тигии саҥа ньымаларын үөрэттилэр.
Учууталлар бэйэлэрин дьоҕурдарын сайыннарары таһынан дойдутун туһугар анал байыаннай дьайыы толоонугар сылдьар уолаттарга көмөнү оҥорорго дьоһуннаах хардыыны оҥордулар.
Анфиса маастар-кылаас кыттааччыларын инникитин айар үлэлэригэр ситиһиилэри уонна көмөҕө наадыйар дьоҥҥо көхтөөхтүк көмөлөһөргө баҕарда.
