Амма улууһугар орто уонна дьоҕус урбааҥҥа 46 туоннаттан тахса ас-үөл саппааһа баар.
Бу туһунан НВК «Саха» ханаалга улуус баһылыга Николай Архипов кэпсээтэ.
«Бүгүҥҥү күҥҥэ 22 туоннаттан тахса бурдук, 3,6 туонна гречка уонна рис, 3,26 туонна саахар, ону таһынан 16 тыһыынча сымыыт баар. Оҕуруот аһа алта туонна: хортуоппуй, луук, моркуоп, помидор, оҕурсу уонна сүбүөкүлэ», — диэтэ кини.
Ону таһынан оройуоҥҥа үүтү, сүөгэйи, чөчөгөйү, арыыны, кефири, сыыры, полуфабрикаты уонна да атын табаары оҥорон таһаараллар.
«Ону тэҥэ биһиги улууспутугар оҕуруот аһа өлгөмнүк үүнэр. Ол иһин олохтоохтор бэйэлэрин хааччынар кыахтаахтар», — диэн Николай Архипов эттэ.
