Амма улууһун Чапчылҕан сэлиэнньэтигэр чааһынай олоро дьиэҕэ буолбут баһаары умуруора сылдьан, икки киһи өлүгүн булбуттар. Бу туһунан СӨ силиэстийэлиир кэмитиэтин пресс-сулууспата иһитиннэрдэ.
Киһи өлүгэ көстүбүтүн туһунан силиэстийэлиир отделга бүгүн, алтынньы ый 16 күнүгэр, түүн 00.30 чааска биллэрбиттэр.
«Дьон өлүктэрин этин-сиинин, баһаар буолбут сирин көрбүттэр, ону тэҥэ баһаар туохтан тахсыбытын быһаарарга наадалаах предметтэри ылбыттар», —диэн иһитиннэрбиттэр.
Баһаарга былдьанан өлбүт киһинэн бу дьиэҕэ олорор эр киһи буолара биллибит. Иккис уокка былдьаммыт киһи кимин быһаарара сылдьаллар.
Бу буолбут түбэлтэнэн силиэдэбэтэллэр бэрэбиэркэ ыыталлар, ол курдук баһаар туохтан буолбутун экспертиза быһаарыа. Ол түмүгүнэн процессуальнай быһаарыы оҥоһуллуо .
