«Биир Ньыгыл Россия» баартыйа Амматааҕы салаатын дьахталларын хамсааһына СВО-ҕа кытта сылдьар байыастар дьиэ кэргэттэригэр анаан «Үтүө санаа уонна итэҕэл» аахсыйаны тэрийдилэр. Тэрээһиҥҥэ улуус киин балыыһатын быраастара, сиэстэрэлэрэ медицинскай өҥө хас да көрүҥүн оҥордулар, доруобуйаларын туругун бэрэбиэркэлээтилэр.
Амматааҕы эдэр натуралистар станциялара талах мас, сибэкки рассадатын атыытын, оҕолорго дьиэ кыылларын быыстапкатын тэрийдилэр.
Маны тэҥэ социальнай харалта управлениятын, үөрэх салаатын бэрэстэбииттэллэрэ анал байыаннай дьайыыга кытта сылдьар дьоҥҥо уонна кинилэр дьиэ кэргэттэригэр туох көмө баарын туһунан кэпсээтилэр, сүбэ-ама биэрдилэр.
Тэрээһиҥҥэ мустубут дойдубутун көмүскүү сылдьар уолаттар оҕолоругар ЛОРП акционернай уопсастыба оҕо көмүскэлин күнүнэн бэлэмнээбит бадаарактарын туттардылар.
