Ан-26 зондировщик-сөмөлүөт Өлүөхүмэ уонна Ленскэй оройуоннарга үлэлээтэ. Бүгүн Горнай улууһугар үлэлиирэ былааннанар. Бу туһунан брифиҥҥэ СӨ Экологияҕа, айылҕа харыстабылыгар уонна ойуур хаһаайыстыбатын министирин солбуйааччы Андрей Коноплев иһитиннэрдэ.
Ааспыт сууккаҕа Үөһээ Бүлүү, Бүлүү, Ленскэй уонна Сунтаар улуустарыгар биэс ойуур баһаарын умуруордулар. Ону тэҥэ 11 ойуур баһаарын төгүрүйдүлэр.
Умуруорууга 1607 киһи кыттар уонна 135 тиэхиньикэ үлэлиир.
Санатарбыт курдук, өрөспүүбүлүкэ үрдүнэн федеральнай уонна регионнааҕы ЧС эрэһиимнэрэ биллэриллибиттэрэ.
Ону тэҥэ ЧС эрэһиимэ Бүлүү, Үөһээ Дьааҥы, Үөһээ Бүлүү, Горнай, Кэбээйи, Ленскэй, Сунтаар уонна Өлүөхүмэ улуустарыгар салҕанар.
Ил Дархан ыйааҕынан бэс ыйын 26 күнүттэн Саха сирин үрдүнэн анал баһаары утары эрэһиим үлэлиир.
Хаартыска: аһаҕас источниктартан news.myseldon.com
