Быйыл Покровскай олохтоохторо Анатолий Сергеевич уонна Люсетта Ивановна ыал буолан олорбуттара 50 сыла.
Кинилэр 1972 сыллаахха ыал буолбуттара, биир кыыс оҕоҕо күн сирин көрдөрбүттэрэ, билигин үс сиэн амарах эһээтэ, эбээтэ.
Анатолий Черняк алтынньы 17 күнүгэр 1947 сыллаахха Покровскайга элбэх оҕолоох дьиэ кэргэҥҥэ күн сирин көрбүтэ. Орто оскуоланы бүтэрэн баран кирпииччэ собуотугар электрик үөрэнээччитинэн үлэлээбитэ. Салгыы аармыйа кэккэтигэр сулууспалаабыта. Иккитэ оройуон Сэбиэтин дьокутаатынан талыллыбыта, оройуон сэбиэтин толорор кэмитиэтин чилиэнэ.
Люсетта Ивановна 1951 сыллаахха тохсунньу 14 күнүгэр Покровскай бөһүөлэгэр элбэх оҕолоох дьиэ кэргэҥҥэ төрөөбүтэ. Оскуоланы бүтэрэн баран эстист-телеграфист кууруһун ааспыта уонна Покровскайга сибээс эйгэтигэр үлэлиир. Бэриниилээх үлэтин иһин СӨ бочуотунай грамоталарынан наҕараадаламмыта, «Сахателеком электросибээһин бэтэрээнэ» аат иҥэриллибитэ.
Сүрдээх уустук, эппиэтинэстээх үлэҕэ олохторун анаабыт, бэйэлэрин кылааттарын киллэрбит үтүө дьоҥҥо олохтоох дьаһалта, дьон-сэргэ махтала улахан.
