«Арктика оҕолоро» бырайыак чэрчитинэн оҕолор сынньалаҥын үбүлээһин кээмэйэ быйыл лаппа улаатар.
Бу туһунан вице-премьер Михаил Никифоров бырабыыталыстыба отчуотугар иһитиннэрдэ.
«Саха сирэ көҕүлээбит, биир сүрүн бырайыакпыт „Арктика оҕолоро” буолар. 2022 сылтан Арктика уонна хоту оройуоннартан оҕолор сынньаналларыгар үбүлээһин үрдээтэ», — диэтэ кини.
Вице-премьер этэринэн, суума алта төгүл үрдүөҕэ.
«Арктика оҕолоро» бырайыак сүрүн тосхолунан Арктика оройуоннарыттан оҕолору сынньалаҥнарын үбүлээһин, бүтүн Россиятааҕы уонна регионнар икки ардыларынааҕы олимпиадаларга, куонкурустарга кыттыы, үөрэх литературатын төрөөбүт тылынан таһаарыы, ону тэҥэ интернет ситимигэр спутниковай канал нөҥүө киирэргэ субсидия бэриллэр.
