«Азия оҕолоругар» чэпчэки атлетикаҕа уолаттарга 400 м барьердаах сүүрүүгэ Артем Балан кыттан, Саха сирин хамаандатыгар үрүҥ көмүс мэтээли ылла.
Ону тэҥэ өрөспүүбүлүкэ хамаандатыттан Марсен Родионов төрдүс миэстэ буолла.
Бу дистанцияҕа Роман Афанасьев бастаата, Максим Балакин үһүстээтэ (Урал спортсменнара).
«Үчүгэйдик сүүрдүм, ол эрээри көрдөрүүбүттэн соччо үөрбэтим. Мин оонньууларга бэлэмнэнэргэ Нерюнгригэ дьарыктаммытым. Күҥҥэ балтараа-икки чаас күүскэ эрчиллибитим. Ону тэҥэ бэс ыйыгар Горно-Алтайскайга сылдьыбытым, оттон Приморскай кыраайга бүтүн Россиятааҕы күрэхтэһиигэ бу дистанцияҕа бастаабытым», — диэтэ Артем Балан.
Оттон бүгүн кыргыттарга 400 м барьердаах сүүрүүгэ Аксинья Панова миэстэлэспэтэ.
