Россияҕа аармыйаҕа сааскы ыҥырыы хампаанньата 2025 сыл муус устар 1 күнүттэн от ыйын 15 күнүгэр диэри ыытыллар. Оттон Уһук хоту сир оройуоннарыгар, ону тэҥэ үөрэх эйгэтигэр үлэлиир педагогтарга ыам ыйын 1 күнүттэн от ыйын 15 күнүгэр диэри оҥоһуллар.
Аармыйаҕа ыҥырыллааччылары муус устар 10 күнүттэн хомуур пуунуттан ыытан саҕалыахтара.
Аармыйаҕа байыаннай сулууспа болдьоҕо уруккутун курдук – 12 ый.
Аармыйаҕа байыаннай сулууспаҕа 18-30 саастаах эдэр дьон хапсаллар.
РФ территориятыгар Сэбилэниилээх Күүстэр бойобуой чаастарыгар уонна бастайааннай дислокация пууннарыгар аармыйаҕа ыҥырыллааччылар байыаннай сулууспаны ааһыахтара.
Сааскы хомуур Украинаҕа ыытыллар анал байыаннай операцияны кытта сибээһэ суох. Россия саҥа регионнарыгар Донецкай уонна Луганскай Норуодунай Өрөспүүбүлүкэлэргэ, Херсонскай уонна Запорожскай уобаластарга призывниктары ыыппаттар.
Аармыйаҕа сааскы ыҥырыы хампаанньаны судаарыстыбаннай информационнай систиэмэни туһанан ыытыахтара. Бу систиэмэ иһигэр воинскай учуокка турар Россия олохтоохторун информацията баар. Бу көмөтүнэн байыаннай комиссариаттары сөптөөх дааннайынан хааччыйыа уонна ыҥырыы суругу электроннай көрүҥүнэн ыытарга туһалыа.
Ыҥырыы суругу кумааҕынан уонна электроннай көрүҥүнэн ыыталлар. Кумааҕы бэбиэскэ юридическай суолталаах.
Электроннай ыҥырыы сурук призывник «Госуслуги» порталыгар кэлиэҕэ.
