Бу күн сыала-соруга – дьону сылга биирдэ эмит гаджеттарын туора ууран, мобильнай сибээс туохха мэһэйдиирин, киһи доруобуйатыгар туох буортуну оҥорорун туһунан толкуйдуурга ыҥырыы буолар.
Биир күн телефоҥҥуттан аккаастаннаххына туох буолар эбитий? Биир да күн буоллар суотабай төлөпүөҥҥүттэн аккаастаныы элбэх туһаны аҕалыан сөп:
Өйү-санааны түмүү тупсар.
Тохтоло суох ватсап группаларыгар, социальнай ситимҥэ кэлэр суруктар, биллэриилэр уонна эрийиилэр суох буоллахтарына, улахан суолталаах соруктаргар болҕомтоҕун ууруоххун уонна оҥорон таһаарыыгын үрдэтиэххин сөп.
Стресс аччыыр.
Чинчийии көрдөрөрүнэн, тохтоло суох биллэриилэр стреһы уонна дьиксиниини үөскэтиэхтэрин сөп. Төлөпүөнэ суох сынньаныаххын, налыйыаххын сөп.
Хаачыстыбалаах алтыһыы.
Төлөпүөнэ суох сылдьар кэмҥэр чугас дьоҥҥор уонна доҕотторгор болҕомтоҕун уурар кыахтаныаҥ, кинилэри кытта алтыһыын хаачыстыбата тупсуоҕа.
Утуйуу тупсар.
Экраннартан тахсар радиация киһи утуйар кэмигэр куһаҕан дьайыыны оҥоруон сөп. Утуйуох иннинэ төлөпүөҥҥүн көрбөтөххүнэ кытаанахтык утуйуоҥ.
Төлөпүөнэ суох күнү хайдах атаарыахха сөбуй?🤔
Пааркаҕа эбэтэр ойуурга хаам, түлүпүөҥҥэ аралдьыйбакка айылҕаттан дуоһуйууну ыл.
Уруккуттан ааҕыаххын баҕарбыт кинигэҕин ылан аах.
🧑🏻🎨Уруһуйу, музыканы эбэтэр атын интэриэһиргиир айар дьарыккын сөргүт.
Бу күнү эккин-хааҥҥын, өйгүн-санааҕын тупсарар туһугар спортка эбэтэр йогаҕа анаа.
Мобильнай төлөпүөнтэн аккаастаныы күнэ дьону кытта сирэй-сирэйгэ кэпсэтии, тулалыыр эйгэн кэрэтин өйдөөн көрүү суолталааҕын санатар күн.
Саатар биир эмит күн төлөпүөнэ суох олохтон дуоһуйууну ылан көрөөрүҥ.
