Кулун тутар 30 күнүгэр Таатта улууһугар күрэс төрүт көрүҥнэригэр XXII-с «Манчаары оонньуулара» саҕаланара 100 күн хаалбытын бэлиэтиир дьоро тэрээһин буолла.
Ол курдук, киин куорат Орджоникидзе болуоссатыгар «Манчаары оонньууларын» өрөгөйүн ырыатын сүрэхтэниитэ, сомоҕолоһуу оһуохайа буолла.
Онтон 16 чаастан Былатыан Ойуунускай аатынан Саха академическай тыйаатырга «Манчаары оонньууларын» брендбугун презентацията, күрэс төрүт көрүҥнэрин историятын кэрэһэлиир быыстапка, сувенирнай бородууксуйа дьаарбаҥката, П.А.Ойуунускай олоҕун сырдатар испэктээк, Улуу Кыайыы 80 сылын көрсө «Саха сиринээҕи сэрии бэтэрээннэрэ Волгоград сиригэр» киинэ хрониката, Таатта талба талааннаахтарын улахан кэнсиэрэ тэриллэрэ күүтүллэр.
