«Бүлүү» А-331 федеральнай трасса 718-719 км учаастагынан тырааныспар сырыыта быстах кэмҥэ хааччахтанна. Бу туһунан «Бүлүү» айан суолун федеральнай управлениетын пресс-сулууспата иһитиннэрэр.
Ньурба оройуонугар ойуур баһаардарынан ыксаллаах быһыы-майгы биллэрилиннэ уонна буруо хойуу буолан суол көстүүтэ мөлтөх.
«Билиҥҥи туругунан, суолга куттал суох буолуутун хааччыйар сулууспаларынан дьуһуурустуба тэрилиннэ», — диэн иһитиннэриигэ этиллэр.
«Бүлүү» айан суолун федеральнай управлениета бу учаастагынан айанныыртан туттунарга көрдөһөр. Айан суолугар ыксаллаах быһыы-майгы үөскүүр түгэнигэр төгүрүк суукка үлэлиир диспетчер сулууспатыгар эрийиэххэ сөп 8 411 244-10-78, 8 924 593-80-28.
