Россия бэрэсэдьиэнэ Владимир Путин ккөҕүлээбит «Магистральнай инфраструктураны тупсарыы уонна кэҥэтии» национальнай бырайыак чэрчитинэн, Үөһээ Бүлүү улууһун «Бүлүү» айан суолун 702-с килэмиэтиринэн ааһар Түүкээн үрэҕи туоруур муоста оҥоһуута түмүктэннэ. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
«Муоста оҥоһуллан «Бүлүү» айан суолун учаастагынан дьыл кэмиттэн тутулуга суох сырыы аһылынна, онон өрөспүүбүлүкэ сайдарыгар төһүү күүс буолуоҕа», — диэтэ Саха өрөспүүбүлүкэтин бырабыыталыстыбатын бэрэссэдээтэлин э.т. Андрей Тарасенко.
Муоста тутуутун үлэтэ 2018 сыл сааһыгар саҕаламмыта уонна былааннаммытыттан хас да нэдиэлэнэн эрдэ түмүктэннэ. Муоста уһуна 267 миэтэрэҕэ тэҥнэһэр, оттон учаастак уопсай уһуна — 4 килэмиэтир.
«Бу Үөһээ Бүлүү уонна Ньурба оройуоннарыгар эрэ буолбакка, Арҕааҥы Саха сирин бары олохтоохторугар уонна ыалдьыттарыгар улахан суолталаах түгэн буолар», — диэтэ Үөһээ Бүлүү улууһун баһылыга Владимир Поскачин.
Түүкээн үрэҕи туоруур муоста «Тырааныспар систиэмэтин сайыннарыы» федеральнай судаарыстыбаннай бырагыраама чэрчитинэн ыытылынна.
