Хампатааҕы оҕо тыйаатырын дириэктэрэ Николай Ксенофонтов бүтүн Россиятааҕы «Признание-2023» диэн бириэмийэ «За вклад в развитие любительского театра России» диэн анал аакка лауреат буолла. Кини култуура, тыйаатыр эйгэтигэр 30-ча сыл үлэлээбит.
Бу сыллар тухары араас элбэх испиктээги туруоран, үгүс элбэх өрөспүүбүлүкэ, Россия, аан дойду таһымнаах бэстибээллэр кыттыылааҕа, кыайыылааҕа буолбута. Кини хас биирдии оҕоҕо туспа, сөптөөх сыһыаны булан, талааннарын арыйар дьоҕурдаах. Бу оскуолаҕа 106 оҕо сөбүлээн, үлүһүйэн дьарыктанар.
Оскуоланы бүтэрбит иитиллээччилэрэ үксэ айар эйгэҕэ сыһыаннаах идэлэри талан, өрөспүүбүлүкэ араас тыйаатырдарыгар, эбии үөрэхтээһин салааларыгар ситиһиилээхтик үлэлии сылдьаллар.
