Россия бырабыыталыстыбата бүтүн Россиятааҕы нэһилиэнньэ биэрэпиһин 2021 сыл балаҕан ыйыгар ыытар туһунан быһаарыыны ылла. Бу туһунан РБК иһитиннэрэр.
Нэһилиэнньэ биэрэпиһин сүрүн түһүмэҕин көһөрүү төрүөтүнэн уустук эпидемиологическай быһыы-майгы салҕаныыта буолар. Биэрэрэпиһи ыытыы саҥа болдьоҕо коронавирустан олохтоммут балаһыанньа 2020 сыллааҕы туругун анализтааһыҥҥа олоҕуран талыллыбыт.
«Ааспыт сылга эпидемия хайдах быһыылаах барбытын көрөн баран быһаарбыппытынан: ыалдьыы уонна өлүү муҥутуур алын көрдөрүүтэ балаҕан ыйыгар бэлиэтэммит», — диэн Росстат салайааччытын солбуйааччы Павел Смелов эттэ.
Роспотребнадзор ыйыытынан, биэрэпис учаастактарыгар 1,5 миэтэрэ социальнай арыты тутууһуу уонна күннэтэ температураны кэмнээһин ыытыллара булгуччулаах. Ону таһынан, биэрэпискэ COVID-19 инфекциятын утары быһыы ылбыт дьону үлэлэтии сүбэлэнэр.
