Муус устар 11 күнүгэр киһи космоска бастакы көтүүтүн 60 сылын көрсө бастакы бүтүн Россиятааҕы «Космическай дьыктаан» ыытыллыаҕа. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.
Дьыктаан очнай уонна онлайн быһыылаах ыытыллыаҕа. Киин былаһаакканан ВДНХ «Космос» повильонугар баар «Космонавтика уонна авиация» киинэ буолуоҕа.
«Кыттааччылар космос салаатын төрүттээччилэр, сүрүн конструктордар, бэлиэ дьоннор, түгэннэр уонна чахчылар тустарынан ыйытыктарга хоруйдуохтара. Ураты ыйытыктары аан дойдутааҕы станция космонавтра, космос туһунан киинэлэргэ сүрүн оруоллары оонньообут артыыстар, Роскосмос салайааччылара, космос салаатын деятеллэрэ ааҕыахтара», — диэн этиллэр.
Трансляция «ВКонтакте» социальнай ситимҥэ «Космос» бөлөх страницатыгар, «Космонавтика уонна авиация» киинин уонна ВДНХ сайтарыгар ыытыллыаҕа.
Дьыктаан түмүгүнэн 100 талыллыбыт кыайыылаах «Роскосмос» госкорпорацияттан сыаналаах бириистэри ылыаҕа.
Кинилэри быһаарыы икки критерийинэн электроннай систиэмэнэн оҥоһуллуоҕа: сөптөөх хоруйдар ахсааннарынан уонна анкетаны ыытыы бириэмэтинэн. Ол эбэтэр, балл тэҥнэһэр түгэнигэр ким эппиэтэ бастакы кэлбит талыллар.
Дьыктаан муус устар 11 күнүгэр москва бириэмэтинэн 11.00 чааска саҕаланар.
