Тохсунньу 19-23 күннэригэр Бүтүн Арассыыйатааҕы «Родные-Любимые» дьиэ кэргэн форумугар Дьиэ кэргэн сылын арыйыахтара. Манна дьиэ кэргэттэргэ көмөлөһөр, дьиэ кэргэн үгэстэрин сайыннарар тэрилтэлэр ситиһиилэрин билиһиннэриэхтэрэ. Бастыҥ дьиэ кэргэттэр, династиялар уопут атастаһыахтара.
Араас маастар-кылаастар, куонкурустар, быыстапкалар, киинэлэр, куонкурустар, лиэксийэлэр буолуохтара. Барыта 89 регионтан 250-тэн тахса дьиэ кэргэн кыттара күүтүллэр.
Итиэннэ форум иитинэн «Династии России» күөн күрэс буолуоҕа. Кыттааччылар ситиһиилэрин сырдатыахтара. Тохсунньу 23 күнүгэр форумҥа бырабыыталыстыба бэрэссэдээтэлин солбуйааччы, Дьиэ кэргэн сылын тэрийэр хамыыһыйатын салайааччы Татьяна Голикова уонна министиэристибэлэр, тэрилтэлэр салайааччылара кыттан, Дьиэ кэргэн сылын сүрүн былааннарын кэпсиэхтэрэ.
Санатан эттэххэ, бэрэсидьиэн Владимир Путин дойдуга 2024 сылы Дьиэ кэргэн сылынан биллэрбитэ.
