Байыастары уонна кинилэр дьиэ кэргэттэрин өйүүр миэрэлэри ситэрэн, бэрээдэктээн биэрии үлэтэ салҕанар.
Бу туһунан өрөспүүбүлүкэ вице-премьера Ольга Балабкина ахсынньы 23 күнүгэр эттэ. Икки ыйтан кыра болдьоххо байыаннай дьайыыга кыттыбыт доброволецтарга төлөбүр бэрээдэгин тупсардылар.
Ону тэҥэ байыас үһүгэр диэри саастаах оҕотун адаптированнай бороһуок үүтүнэн хааччыйыы бэрээдэгэ олохтонно. Бу миэрэни ыларга оҕо үүтүн биэрэр анал пууннарга тахсыахха наада. Онно бэйэни туоһулуур докумуон, участковай педиатртан толору аһынан хааччыйыы туһунан ирдэбил сурук наада.
Телеграм-ханаал бөлөхтөрүгэр байыастар дьиэ кэргэттэрин, чугас аймахтарын өйүүр үлэ салҕанар.
