Өрөспүүбүлүкэҕэ мобилизациаламмыт дьон уонна хантыраагынан сулууспаҕа сылдьар доброволецтар оҕолоро бары муниципальнай уонна судаарыстыбаннай үөрэх тэрилтэлэригэр босхо аһылыгы ылаллар, ону тэҥэ уһуйааҥҥа сылдьар оҕолор төлөбүртэн босхолоннулар.
Бу туһунан Ил Дархан ыйааҕын толоруутун хаамыытын туһунан СӨ Бырабыыталыстыбатын бэрэссэдээтэлин солбуйааччыта Сергей Местников иһитиннэрдэ.
«Билиҥҥи кэмҥэ бары муниципальнай тэрилтэлэргэ локальнай нормативнай аакталар оҥоһулуннулар, бу манан сиэттэрэн оскуолаларга босхо аһылыгынан хааччыйыахтара уонна уһуйаан төлөбүрдэриттэн босхолуохтара», — диэн кини кэпсээтэ.
Ол курдук, Нам, Горнай, Уус Алдан, Таатта оройуоннарын баһылыктара бары көрүллүбүт миэрэлэр олоххо киирэллэрин туһунан отчуоттаатылар
«Хас биирдии дойдутун көмүскүү барбыт сулууспалаахтар судаарыстыба өттүттэн дьиэ кэргэннэригэр көмө оҥоһулларыгар болҕомто ууруохтаахтар, ону биһиги өйүөхтээхпит», — диэн вице-премьер бэлиэтээтэ.
