Анал байыаннай дьайыы кыттыылаахтара уонна дьиэ кэргэттэрэ өрөспүүбүлүкэҕэ юрист өҥөтүн босхо туһаныахтарын сөп. Бу сокуоҥҥа тустаах уларытыыны СӨ парламена өйөөтө.
Ол курдук, юрист көмөтүнэн Аҕа дойду сэриитин, тыыл бэтэрээннэрэ, инбэлииттэр, кыаммат ыал уонна да атын араҥаҕа киирсэр дьон туһаныан сөп. 2022 сылга бу көмөнү 19 тыһыынча олохтоох туһаммыт.
СӨ баһылыга Айсен Николаев көҕүлээһининэн, бу көмөнү өссө байыаннай дьайыы кыттыылаахтара уонна дьиэ кэргэттэрэ, Донецкайтан, Луганскайтан, Херсонскайтан, Запорожскайтан кэлбит дьон туһаныахтарын сөп.
Юрист босхо өҥөтүгэр адвокаттар эрэ буолбакка, толорор былаас уорганнара уонна «Мин докумуоннарым» киин көмөлөһөллөр.
