Балаҕан ыйын 24 уонна 25 күннэригэр Үөһээ Бүлүү улууһугар «Үөрэҕирии – сайдыы суола» II Бүлүүтээҕи үөрэх форум ыытыллаҕа. Бу туһунан Профессиональнай үөрэхтээһин сайдыытын институтун пресс-сулууспата иһитиннэрэр.
Форум сыала: STEAM сайдыытын киллэрии, Бүлүү уокуругун стратегическай сайдыытын Концепциятын олоххо киллэриигэ механизмнарын уонна сүрүн хайысхаларын тула ырытыы.
Бүлүүтээҕи уокурук бастыҥ педагогтарын сэттэ саалатыгар маннык хайысхалар үлэлиэхтэрэ: оскуола, оскуола, эбии, орто анал, үрдүк уонна быыстала суох профессиональнай үөрэхтээһин.
Төгүрүк остуоллар, мунньахтар, дискуссионнай былаһааккалар, үөрэх үлэһиттэрин семинардара, сессия форсайтара, воркошоптар, маастар- кылаастар уо.д.а.
Форумҥа кыттыыны ылыыга өрөспүүбүлүкэ үөрэҕин, муниципальнай оройуоннарын, судаарыстыбаннай үөрэх тэрилтэлэрин, эбии профессиональнай үөрэхтээһин, үрдүк үөрэх, педагогическай уопсастыбаннас, наука, урбаан, уопсастыбаннай түмсүүлэр бэрэстэбиитэллэрэ ыҥырыллаллар.
Форум үлэтигэр биллиилээх лектордар, Москватааҕы педагогическай университет профессордара, инженернэй-техническэй үөрэҕи киллэрэллэр, «Сыл учуутала» Бүтүн Россиятааҕы куонкурс кыайыылаахтара, билигин Россия үөрэҕин тиһигин кэскиллээх уонна аныгы салааларыгар үлэлии сылдьар дьон кыттыыны ылыахтара.
