Күнү-дьылы кэтээн көрөөччүлэр иһитиннэрэллэринэн, нэдиэлэ ортотугар, балаҕан ыйын 22 уонна 23 күннэригэр, хотугу оройуоннарга инчэҕэй хаар түһэрэ күүтүллэр, тыалырыаҕа. Бу туһунан күнү-дьылы кэтээн көрөр ыстаансыйа иһитиннэрэр.
Ол курдук, сэрэдэҕэ уонна чэппиэргэ хоту эҥэр сөҥүү түһүөҕэ. Арҕаа сорох сиринэн ардыаҕа, киин, соҕуруу уонна илиҥҥи оройуоннарга сөҥүү түһэрэ күүтүллүбэт.
Арҕаа уонна хоту сөкүүндэҕэ 8-13 миэтэрэ түргэннээх тыалырыаҕа.
Түүнүн салгын температурата минус икки-сэттэ кыраадыска тиийэ түһүөҕэ, хотугулуу-илин минус 12-17 кыраадыс, арҕаа — икки-сэттэ кыраадыс сылаас. Күнүһүн киин оройуоннарга 13-18 кыраадыс сылаас, соҕуруу 15-20, арҕаа, хотугулуу-илин 8-13, хоту минус үс-сэттэ, өрүс тардыытынан минус иккиттэн үс кыраадыска тэҥнэһиэҕэ.
Дьокуускайга кэлэр сууккаҕа, балаҕан ыйын 21 күнүгэр, сөҥүү түһэрэ күүтүллүбэт, сөкүүндэҕэ биэс миэтэрэҕэ диэри түргэннээх тыал үрүөҕэ, түүнүн салгын температурата минус икки-түөрт кыраадыс, күнүһүн — 11-13.
