Сарсын, балаҕан ыйын 23 күнүгэр, өрөспүүбүлүкэ сорох оройуоннарыгар инчэҕэй хаар уонна күүстээх тыал түһэрэ күүтүллэр. Бу туһунан Саха сиринээҕи УГМС пресс-сулууспата иһитиннэрэр.
«Өлөөҥҥө, Өлүөхүмэҕэ, Эдьигээҥҥэ уонна Бүлүү бөлөх улуустарыгар кыратык ардахтыа, сорох сиринэн сымнаһыар ардах, инчэҕэй хаар түһүөҕэ», — диэн иһитиннэриигэ этиллэр.
Ону тэҥэ Өлүөнэ алын тардыытыгар сөкүүндэҕэ 15 миэтэрэ түргэннээх тыал түһүөн сөп.
Салгын температурата ортото түүн 0,-5 буолуоҕа, ардах, хаар кэмигэр 0,+5, Халымаҕа -5-10, Өймөкөөҥҥө -12-17. Күнүс +13+18, арҕаа диэки +8+13, хоту диэки +2+7°.
