НВК САХА — Ил Дархан Айсен Николаев бүгүн, балаҕан ыйын 26 күнүгэр, 19.00 чааска быһа эфиргэ тахсыаҕа.
Быһа эфир «Якутия 24», «НВК Саха», «Россия 24» ханаалларга, «Тэтим» уонна «Радио России» радио долгуннарыгар уонна Ил Дархан 5 социальнай ситимҥэ страницаларын нөҥүө көстүөҕэ.
Ил Дархан Айсен Николаев олохтоохтор интэриэһиргиир ыйытыктарыгар хоруйдуоҕа, өрөспүүбүлүкэ сүрүн кыһалҕалаах боппуруостарын ырытыаҕа уонна Саха сирин сайдыытыгар сүрүн суолталаах хайысхалар тустарынан бэйэтин санаатын үллэстиэҕэ.
Ил Дархаҥҥа бэйэҕит ыйытыыларгытын 8 (4112) 508-229 нүөмэргэ үлэ кэмигэр 9.00 — 17.00 чааска (13.00 — 14.00 ч. эбиэт) биэриэххитин сөп. Эбэтэр voprosglave@sakha.gov.ru электроннай почтаҕа бэйэҕит ааккытын-суолгутун уонна төлөппүөҥҥүт нүөмэрин суруйан ыытыҥ.
