Кулун тутар 1-5 күннэригэр өрөспүүбүлүкэ киин куоратыгар 6 №-дээх «Стерх» уонна 1 №-дээх оҕо спортивнай оскуолаларыгар эр дьоҥҥо уонна дьахталларга баскетболга өрөспүүбүлүкэ күрэҕэ ыытылынна.
Күрэхтэһиигэ 18 хамаандаттан (Алдан, Амма, Бүлүү, Үөһээ Бүлүү, Мииринэй, Мэҥэ Хаҥалас, Нерюнгри, Нам, Сунтаар, Таатта, Уус Алдан, Хаҥалас, Дьокуускай, ХИФУ) 196 баскетболист кытынна.
Дьахталларга биэс хамаандаттан Дьокуускай бастаата, Уус Алдан иккистээтэ, Мииринэй үһүстээтэ.
Эр дьон турнирыгар 13 хамаанда кыттыыны ылла. Киин куорат хамаандата бастакы миэстэ буолла, финалга Хаҥаластары (иккис миэстэ) хоппуттар. Үһүс миэстэ иһин киирсиигэ Бүлүү улууһун уонна Нерюнгри оройуонун хамаандалара кииристилэр, нерюнгрилар кыайдылар.
Чемпионат түмүгүнэн оонньооччулар ортолоругар бастыҥнары быһаардылар:
«Бастыҥ оонньотооччу»
— Алена Павленко (Мииринэй)
— Степан Григоращук (Нерюнгри)
«Бастыҥ кимэн киирээччи»
— Марина Пухова (Уус Алдан)
— Владимир Легостаев (Хаҥалас)
«Бастыҥ көмүскээччи»
— Азиза Турсунбек (Дьокуускай)
— Кондрат Ханраев (Дьокуускай)
«Бастыҥ центровой»
— Эмиль Зималутдинов (Нерюнгринский район)
«Бастыҥ оонньооччу»
— Валерия Шестакова (Дьокуускай)
— Антон Перфильев (Дьокуускай)
