Атырдьах ыйыгар сыллата аан дойдутааҕы дьиэтэ-уота суох кыыллар күннэрэ бэлиэтэнэр.
Бу күҥҥэ анаан атырдьах ыйын 8-14 күннэригэр «Биир Ньыгыл Россия» баартыйа Саха сиринээҕи салаатын сэбиэтэ уонна СӨ уопсастыбаннай көмө штаба сыллата «Бастыҥ доҕор» диэн аахсыйаны ыыталлар. Аахсыйаҕа министиэристибэлэр, тэрилтэлэр кэллэктииптэрэ, ону тэҥэ үтүө дьыаланы оҥоруон баҕалаах олохтоохтор кытталлар.
Ол курдук, Дьокуускай куорат дьиэтэ-уота суох хаалбыт кыыллары тутар пуунугар куоскаларга уонна ыттарга 180 тахса упаковка (400 киилэ) аһылыгы, эмп-томп уонна хаһаайыстыбаннай табаардары туттардылар.
Пуун үлэһиттэрэ уонна аахсыйаны тэрийээччилэр «Биир Ньыгыл Россия» баартыйаны өйүүр дьоҥҥо, хас биирдии көмөнү оҥорбут киһиэхэ махталларын тириэрдэллэр.
Хаартыска: СӨ уопсастыбаннай көмөтүн штабын телеграм-ханаалын видеотын скриншота
