Социальнай контракт тыа сирин олохтоохторун бэйэ дьыаланы тэринэллэригэр сүрүн тирэх буолар. Бэрдьигэстээххэ Александра Аргунова утуйар орон таҥаһа тигэн дьарыктанан саҕалаата.
Александра Аргунова оҕо эрдэҕиттэн иккис группалаах инбэлиит. Төрүөҕүттэн истибэт буолан саҥарбат, ону таһынан тулаайах. Ыарахан олохтоох кыысчаан улуустааҕы инбэлииттэр уонна кырдьаҕастар интэринээт дьиэлэригэр 16 сыл олорбут. Уочаракка туран өр сыл кэтэспит үөрүүтүгэр ааспыт сылга инбэлииттэри дьиэнэн хааччыйар федеральнай бырагырааманан саҥа таас дьиэҕэ биир хостоох кыбартыыра биэрбиттэр.
Интернакка олорор кэмигэр кыыс иискэ сыьыаннаагын таба керен 2019 сха республикатааҕы инбэлииттэри реабилитациялыыр техникумна иистэнньэн идэтигэр уерэттэрэллэр. Олоххо бэлэмнээх буоларыгар, бэйэтин иннин быьаарынар уонна тутулуга суох буоларыгар социальнай улэьиттэр куруук маннык ейебул буолаллар
Александра бэйэ дьарыктаах буолууга учуокка туран билигин себулуур дьарыгынан эбии дохуот киллэринэр. Бу дьыалатын барытын интернатын улэьиттэрэ хонтуруоллууллар, булан-талан биэрэллэр.
Ылсыбыт дьарыгын сайыннаран хаҥатыан баҕарар. Маныаха сүрүн тирэҕинэн соцхантыраак буолла. Горнай улууһугар ааспыт сылга 54 киһи судаарыстыбаннай бырагырааманан бэйэ дьыаланы арыныытыгар көмө ылла.
