Бүгүн, бэс ыйын 3 күнүгэр, Россия бэрэсидьиэнин пуондатын үбүлээһининэн Горнай улууһун Бэрдьигэстээҕэр «Сардаана» уһуйаан сайыҥҥы бөлөҕү үлэлэттэ.
Сайыҥҥы бөлөх сүрүн сыала-соруга оҕо доруобуйатын чэбдигирдии, үлэҕэ уһуйуу, экологическай иитии уонна дьиэ кэргэн бигэ тирэхтээх буоларыгар көмөнү оҥоруу буолар.
Уһуйааҥҥа элбэх оҕолоох, кыаммат араҥа уонна СВО кыттыылаахтарын дьиэ кэргэттэриттэн 21 оҕо хабыллыбыта бэлиэтэнэр. Ону таһынан биэс үлэ миэстэтигэр элбэх оҕолоох төрөппүттэри үлэнэн хааччыйдыбыт уонна хамнастаналларыгар усулуобуйа тэрийдибит.
Оҕолор сайыҥҥы сынньалаҥ кэмигэр дьарыктаах буоллуннар диэн оранжерея тэрийбиттэр. Манна оҕо төрөппүтүнээн көрөн-истэн улаатыннарбыт үүнээйитэ өлгөм үүнүүнү биэриэ. Дьиэ кэргэн элбэх сананы билиэ-көрүө.
Оҕолор босхо уһуйааҥҥа сылдьан, үчүгэй иҥэмтэлээх аһынан аһаан, оонньоон-көрүлээн, ыллаан-туойан, доруобуйаларын чэбдигирдэн, сайыннаран туһалаахтык атаараллар.
